سپریم کورٹ بار ایسوسی ایشن نے بھی مبارک ثانی کیس پہ سپریم کورٹ کے فیصلے پر اعتراضات اٹھا دیے

اسلام آباد (آن لائن) سپریم کورٹ بار ایسوسی ایشن نے مبارک ثانی کیس پہ سپریم کورٹ کے فیصلے پر بعض نکات کے حوالے سے اعتراضات اٹھا دیے ہیں۔ سپریم کورٹ بار ایسوسی ایشن سے جاری ہونے والے اعلامیے میں کہاگیا ہے کہ سپریم کورٹ فیصلے کے پیراگراف 42 کا کچھ حصہ اسلامی اصولوں، قرآن اور سنت سے متصادم ہے، سپریم کورٹ فیصلے کے پیراگراف 42 کو واپس لینے کے لیے مناسب کارروائی میں فیصلے پر نظرثانی کرے،1973 کا آئین انتہائی اہمیت کا حامل رکھتا ہے،ہمارا آئین اسلام کے اصولوں پر مبنی ہے، ہماری عدلیہ کو مذہب اسلام کے دیے گئے فریم ورک کے پیرامیٹرز کے اندر کام کرنا چاہیے، ہمارے مقدس دین کا اولین اور بنیادی اصول پوری کائنات کی حاکمیت اللہ تعالیٰ کی ملکیت ہے ، حضرت محمد صلی اللہ علیہ وسلم بلاشبہ اللہ کے آخری نبی ہیں

، احمدیوں/قادیانیوں کو نہ تو براہ راست یا بالواسطہ طور پر اپنے آپ کو مسلمان ظاہر کرنے کی اجازت ہے، قادیانی کسی بھی ظاہری نمائندگی میں اسلامی اصولوں کی تبلیغ نہیں کرسکتے،قادیانیوں کو عبادت گاہوں اپنے گھروں کے اندر یا کسی اور طرح سے کھلم کھلا دعویٰ کرنے یا تبلیغ کرنے کی اجازت نہیں دی جانی چاہئے،قادیانیوں کے اعمال براہ راست پیغمبر اسلام (ص)، اسلام، قرآن اور سنت کی تعلیمات کی بے حرمتی کرتے ہیں،قادیانیوں کو گھروں، کمیونٹی سنٹرز یا جماعت خانوں میں کسی بھی طرح سے تبلیغ یا تبلیغ کرنے کی اجازت نہ دی جائے، احمدی، یا قادیانی، صدیوں سے، اسلامی اصولوں، قرآن اور سنت کی غلط اور بدنیتی پر مبنی تشریحات میں مصروف ہیں، قادیانی کو مسلمان کے طور پر پیش کرتے ہیں،کسی بھی درخواست کو قبول کرنا یا مسترد کرنا صرف اور صرف معزز عداللت کی صوابدید پر ہے۔بیان میں کہا گیا ہے کہ اگرچہ اعلیٰ عدالتوں کے فیصلوں میں تضاد ہو سکتا ہے، لیکن ان کا استعمال معزز عدالتوں کی توہین کے لیے نہیں کیا جانا چاہیے ججزکسی بھی تضاد کو اجاگر کرنے کا مقصد صرف اور صرف نادانستہ غلطیوں کی نشاندہی کرنا ہے،معزز بنچ کو دی جانے والی کھلم کھلا دھمکیاں انتہائی قابل مذمت ہیں یہ فعل عدلیہ کی آزادی کے تصور کی خلاف ورزی ہے۔