پی ٹی آئی گر وپس کا شکار ہوتی جارہی ہے، خواجہ آصف

اسلام آبا (آن لائن) وزیر دفاع خواجہ آصف نے کہا ہے کہ پی ٹی آئی گر وپس کا شکار ہوتی جارہی ہے ، اقتدار کی سیاست کے گرد گھومنے والی جماعتوں کا حال پی ٹی آئی جیسا ہوتا ہے ۔ میڈیا سے گفتگو کرتے ہوے انہوں نے کہا پی ٹی آئی گروپس کا شکار ہو چکی ۔ سینئیر رہنماوں کو پارٹی سے نکالا جا رہا ہے ۔ انہوں نے کہا کے پی کے میں بھی پی ٹی آئی کی کارکردگی صفر ہے ۔ وہاں بھی جماعت نا کام ہے ۔ انہوں نے ملکی معیشت بارے بات کرتے ہوے کہا معاشی طور پر ملک بہتری کی جانب گامزن ہو چکا

عالمی سطح پر تعلقات میں بہتری آئی ہے ۔ باہر سے سرمایہ کاری بھی آ رہی ہے ۔ انہوں نے کہا کہ آئی ایم ایف پروگرام ہماری خواہش نہیں مجبوری ہے ۔ عالمی مالیاتی ادارے کو ہمارے جوہری پروگرام بارے کوئی خدشات نہیں ہیں ۔ انہوں عد لیہ کو ریاست کا اہم ستون قرار دیتے ہوے کہا تمام سٹیک ہولڈرز کو ذمہ دارانہ روئیے کا مظاہرہ کرنے کی ضرورت ہے ۔ انہوں نے کہا چیمپئینز ٹرافی کا انعقاد خوش آئند ہے ۔ انشااللہ کامیابی کا جشن بنائیں گے ۔