پی ایس ایل 9 کیلئے مقامی سلور کیٹیگری کا اعلان

لاہور (آن لائن) پاکستان سپر لیگ (پی ایس ایل) کی انتظامیہ نے ’لوکل سلور کیٹیگری پول‘ کا اعلان کیا ہے جہاں ملک بھر کے کرکٹرز کو پی ایس ایل فرنچائزز میں سے کسی ایک کے ذریعے منتخب ہونے کا موقع ملے گا۔

احمد دانیال، عاکف جاوید، علی ماجد، علی شفیق، عماد بٹ، دلبر حسین، غلام مدثر، کاشف بھٹی، عمید آصف، ذیشان اشرف اور ذیشان ضمیر ایسے کھلاڑی ہیں جو پی ایس ایل کے پچھلے سیزن کھیل چکے ہیں۔انہوں نے مختلف فرنچائزز میں کردار ادا کیا اور انہیں مختلف کیٹگریز میں اٹھایا گیا۔ دلبر حسین اور علی ماجد لاہور قلندرز میں شامل ہیں جبکہ عماد بٹ، کاشف بھٹی اور عمید آصف مقامی لیگز کے تجربہ کار کھلاڑی ہیں۔ علی زریاب، عماد عالم، ارسل شیخ، حسن محسن، محمد ہریرہ، محمد طحہ، عمیر مسعود، زید عالم اور ذیشان ملک سلور کیٹیگری کا حصہ ہیں۔ان سب میں مماثلت یہ ہے کہ انہوں نے پچھلے سالوں میں انڈر 19 کی سطح پر پاکستان کی نمائندگی کی۔ حال ہی میں ختم ہونے والے ڈومیسٹک سیزن میں محمد ہریرہ سیالکوٹ کے لیے شاندار کارکردگی کا مظاہرہ کر رہے ہیں۔ وہ پی ایس ایل کے پچھلے سیزن میں پاکستان انڈر 19 کے ساتھ ساتھ اسلام آباد یونائیٹڈ کی بھی نمائندگی کر چکے ہیں۔