4نومبر کو پانی بلبلہ بننے جا رہا ہے ، کوئی رہائی نہیں ہو رہی ،سینیٹر فیصل ووڈا

اسلام آباد (آن لائن) سینیٹر فیصل ووڈا نے کہا ہے کہ چوبیس نومبر کو پانی بلبلہ بننے جا رہا ہے ۔ کوئی رہائی نہیں ہو رہی ، بانی کا سودا کر کے پی ٹی آئی رہنما خود مراعات لے رہے ہیں ۔ اندرون خانہ ابھی بھی بات چیت چل رہی ہے ، بہتر گھنٹوں میں پوری کہانی سا منے آجائے گی ۔ میڈیا سے گفتگو کرتے ہوے انہوں نے کہا پی ٹی آئی والے آئے روز احتجاج کی کال دے دیتے ہیں ۔ چوبیس نومبر کو بھی انہوں نے احتجاج کی کال تو دیدی دیکھنا ہو گا کہ اس تاریخ کا انتخاب انہوں نے کس مقصد کے لئے کیا ۔ ان کی ساری ڈرامہ بازی بانی کی رہائی کے لئے ہے تاہم چوبیس نومبر کو پانی کا بلبلہ بننے جا رہا ہے کوئی رہائی نہیں ہو رہی ۔ انہوں نے کہا کہ اندر ون خانہ ابھی بھی بات چیت چل رہی ہے ۔ بہتر گھنٹوں میں ساری کہانی سامنے آجائے گی ۔ علی امین گنڈا پور لوگوں کو کفن باندھنے کا کہہ کر خودپیروں میں بیٹھا ہوا ہے ۔ انہوں نے امریکی اراکین کانگریس کو بھی آڑے ہاتھوں لیتے ہوے کہا بیرون ملک سے پاکستان کے اندرونی معاملات میں مدا خلت ہو رہی ہے ۔

آپ خود کو سپر و پاور کہتے ہیں میرے خیال میں زیرو پاور ہیں ۔ عافیہ صدیقی کیس میں آپکو حقوق انسانی کی خلف ورزی نظر نہیں آرہی ۔ کشمیر میں حقوق انسانی کی خلاف ورزیاں نظر نہیں آرئیں ۔ فلسطین میں حقوق انسانی خلاف ورزیوں پر تو کسی نے خط نہیں لکھا ۔ ترقی یافتہ ممالک میں بھی ھقو ق انسانی کی خلاف ورزیاں ہو رہی ہیں بتایا جائے پاکستان میں حقوق انسانی کی خلاف ورزیاں کہاں ہو رہی ہیں ۔ آپ پاکستانی لیڈر کے لئے تشویش کا ا ظہار کر کے ایک خود مختار ملک کے داکلی معاملات میں مداخلت کر رہے ہیں ۔ ٹرمپ کو گولی لگی ہم بھی کہہ سکتے ہیں یہ حقوق انسانی کی خلاف ورزی ہے ۔ آزادی اظہار رائے کے نام پر ترقی یافتہ ممالک میں ہونے والی تو ئین رسالت ﷺپر کو ئی توجہ نہیں دی جاتی ۔ انہوں نے کہا کے پی کے عوامی وسائل کا استعمال کر کے وفاق پر چڑھائی کی دھمکیاں دی جار ہی ہیں ۔ گنڈا پور بتائے کس کا پیغام لے کر بانی پی ٹی آئی کے پاس گیا۔ یہ لوگ بانی پی ٹی آئی کی رہائی چاہتے ہی نہیں ۔ پی ٹی آئی کی تمام قیادت اس وقت کے پی کے میں بیٹھی ہے ۔

صرف کے پی کے میں وفاق پر حملے کی ساز ش ہو رہی ہے ۔ جس کا نتیجہ سازش کرنے والوں کو بھگتنا پڑے گا ۔ انہوں نے کہا قوم کے سامنے طوفان بد تمیزی کا ڈرامہ آشکا را ہو چکا ۔ ملک میں دہشتگردی چل رہی ہے۔ پی ٹی آئی اب دھڑوں میں تقسیم ہو چکی ۔ پنجاب میں انکے سارے ایم پی ایز انکے خلاف ہو چکے کوئی ایم پی اے پچاس بندے بھی ساتھ نہیں لا سکے گا ۔ انہوں نے کہا پی ٹی آئی سے سٹیبلشمنٹ کے کوئی مذاکرات نہیں ہو رہے ۔ یہ لوگ اگر دس سے پندرہ ہزار لوگ بھی اکٹھے کرنے میں کامیاب ہو گئے تو ان کو ریڈ زون میں دا خل ہی نہیں ہو نے دیا جائے گا ۔ کوئی جگہ دیدی جائے گی وہاں جا کر بیٹھ جائیں ۔ عدالتیں بھی قانون کی پاسداری کرائیں گی ۔ انہوں نے کہا کہ اس وقت حقیقت یہ ہے کہ پی ٹی آئی والے بانی کی ر ہائی چاہتے ہی نہیں بلکہ بانی کا سودا کر کے انکی پوری قیادت خود ریلیف لے رہی ہے ۔