اسلام آباد (آن لائن) وفاقی وزیر توانائی اویس لغاری نے کہا کہ توانائی کے شعبے میں اصلاحات کا عمل جاری ہے ۔ آئندہ گرمیوں سے قبل بجلی کی قیمتوں میں مزید کمی لانے کے لئے پر عزم ہیں ۔ اگلے چار سال میں توانائی کے شعبے کو مکمل طور پر بحران سے نکالنے کے خواہاں ہیں ۔ یہاں پریس کانفرنس سے خطاب کرتے ہوئے انہوں نے کہا ہم پاکستان عوام کے سامنے جوابدہ ہیں ۔ عوام کو بتانا چاہتا ہوں کہ توانائی کے شعبے میں اصلا حات کا عمل تیزی سے جاری ہے ۔ توانائی کے بحران سے نمٹنے کے بعد عوام کو اس کے ثمرات پہنچانا ہماری ذمہ داری ہے ۔ ماہ جون سے اب تک بجلی کی قیمتوں میں نمایاں کمی ہوئی ہے ۔ بجلی کے ترسیلی نظام میں خامیاں دور کی گئیں ۔ انہوں نے کہا کہ اگلے چار سال میں عوام کو بجلی کے سیکٹر میں مشکلات سے نکا لنے کے خواہاں ہیں ۔ انہوں نے کہا کہ انڈ سٹری کو وزارت توانائی ترجیحی بنیادوں پر سہولیات فراہم کر رہی ہے ۔ بجلی کی خرید و فروخت کے لئے کمپنی کا قیام عمل میں لایا گیا ہے ۔
مارچ دو ہزار پچیس تک بجلی کی خرید و فروخت حکومت نہیں نئی کمپنی کی ذمہ داری ہو گی ۔ انہوں نے کہا کہ فروری 2025ء میں بھی بہت سے اصلاحاتی منصوبوں عملدرآمد شروع ہو جائے گا ۔ انہوں نے کہا کہ ہمارے سیاسی مخالف بانی پی ٹی آئی نے عدم استحکام پیدا کیا ۔ اس نے حرام خوروں کے کہنے پر آئی پی پیز کو چھوٹ دی ۔ ہم نے پانچ آئی پی پیز کے ساتھ معاہدے ختم کئے ۔ دیگر کے ساتھ بات چیت جاری ہے ۔ انہوں نے کہا کہ بانی پی ٹی آئی کی ایما پر سوشل میڈیا پر ہمارے خلاف مہم چلائی جا رہی ہے ۔ انہوں نے کہا وزیراعظم نے ترسیلی نظام کی ری سٹریچرنگ کی منظوری دی ۔ ہم آئندہ چار سال میں توانائی کے شعبے کو مکمل طور پر بحران سے نکالنا چاہتے ہیں ۔ خود مختار آ پریٹنگ نظام لا چکے ۔ آرمی چیف کا مشکور ہوں انہوں نے ٹاسک فورس میں اچھے افسر دئیے ۔
انہوں نے کہا رحیم یار خان مٹیاری منصوبہ آئندہ دو سال میں مکمل ہو جائے گا ۔ آئندہ گرمیوں سے پہلے بجلی کی قیمتوں میں مزید کمی لے کر آئیں گے ۔ ہم ای وی کے بھی پھیلاو کی طرف جارہے ہیں ۔ پاور سیکٹر کے قرضو ں کو وزارت خزانہ کے ساتھ مل کر ری سٹریکچر کر رہے ہیں ۔ انہوں نے کہا سوپچاس ارب روپے بجلی شعبے میں سبسڈی کم کی ہے ۔ ہم اگر پی ٹی آئی کے فارمولوں پر چلتے تو آئیندہ دس سال تک عوام کو سستی بجلی میسر نہ آتی ۔ جبکہ ابھی تمام صارفین کا اوسطا بل نیچے آیا ہے ۔
Comments are closed.