نیب ترمیم کالعدم کے فیصلہ پر عملدرآمد کا سلسلہ جاری

اسلام آباد ( آن لائن )نیب ترمیم کالعدم کے فیصلہ پر عملدرآمد کا سلسلہ جاری ،نیب حکام کی جانب سے آج مزید 18 ریفرنسز کا ریکارڈ جمع کروادیا گیا ،80 ریفرنسز میں سے 44 ریفرنسز کا ریکارڈ اب تک احتساب عدالتوں میں جمع کروا جا چکا ہے،سابق وزیر اعظم نواز شریف،یوسف رضا گیلانی اور سابق صدر آصف زرداری کے خلاف توشہ خانہ ریفرنس کا ریکارڈ بھی جمع کروا دیا گیا ۔

نیب حکام کے مطابق سابق وزیر اعظم راجہ پرویز اشرف کے خلاف کار کے رینٹل ریفرنس کا ریکارڈ بھی جمع کروا دیا گیا آصف علی زرداری کے خلاف آٹھ ارب کی مشکوک ٹرانزیکشن کا ریفرنس کا ریکارڈ بھی جمع کروادیا گیا نیب حکام کی جانب سے تینوں ریفرنسز احتساب عدالت نمبر 3 میں جمع کروایا گیا ۔ عدالتی حکام کی جانب سے جمع کروایا گیا ریکارڈ کی جانچ پڑتال کا سلسلہ جاری احتساب عدالت نمبر 1 میں آج مزید 4 ریفرنسز کا ریکارڈ جمع کروایا گیا احتساب عدالت نمبر 2 میں آج مزید 2 ریفرنسز کا ریکارڈ جمع کروادیا گیا احتساب عدالت نمبر 3 میں آج مزید 12 ریفرنسز کا ریکارڈ جمع کروا دیا گیا۔