امریکی نائب صدر کملا ہیرس نے ڈیموکریٹک پارٹی کی صدارتی امیدوار کی نامزدگی باضابطہ طور پر قبول کر لی

واشنگٹن ( آن لائن) امریکی نائب صدر کملا ہیرس نیڈیموکریٹک پارٹی کی جانب سے صدارتی امیدوار کی نامزدگی باضابطہ طور پر قبول کر لی۔شنہوا نیوز کے مطابق امریکی نائب صدر کملا ہیرس نے گزشتہ روز شکاگو کے یونائیٹڈ سینٹر میں منعقدہ ڈیموکریٹک نیشنل کنونشن (ڈین این سی ) میں ڈیموکریٹک پارٹی کی صدارتی نامزدگی کو باضابطہ طور پر قبول کر لیا۔

انہوں نے تقریر کرتے ہوئے کہا کہ امریکا کی صدر بننے کے لیے آپ کی نامزدگی کو قبول کرتی ہوں۔ انہوں نے کہا کہ یہ انتخاب کے ساتھ ساتھ ہماری قوم کے پاس ماضی کی تلخیوں کو بھلانے اور تفرقہ انگیز لڑائیوں کوروکنے کا ایک قیمتی اور آگے بڑھنے کا ایک نیا راستہ طے کرنے کا ایک موقع ہے۔ کملا ہیرس نے بے ایریا میں بطور پراسیکیوٹر اور کیلیفورنیا کے اٹارنی جنرل کے طور پر کام کرنے کے اپنے تجربے کی عکاسی کی۔