حزب اللہ کے سربراہ حسن نصراللہ بیروت حملے میں مارے گئے ہیں، اسرائیلی فوج کا دعوی

بیت المقدس (آن لائن) اسرائیلی فوج نے دعوی کیا ہے کہ حزب اللہ کے سربراہ حسن نصراللہ بیروت حملے میں مارے گئے ہیں ۔ غیر ملکی میڈیا رپورٹس کے مطابق اسرائیلی فوج نے اپنے جاری بیان میں کہا کہ بیروت پر میزائل حملوں کا نشانہ حسن نصراللہ تھے ۔ حملے میں انکو کامیابی سے نشا نہ بنایا گیا ہے ۔ بیان میں کہا گیا ہے کہ حسن نصراللہ اپنے ساتھی علی کاکر کے ہمراہ حملے میں مارے گئے ہیں ۔ دوسری جانب حزب اللہ نے حسن نصراللہ کی شہادت کی تردید کرتے ہوے کہا ہے کہ وہ بالکل سلامت اور ٹھیک ہیں ۔