صوبے میں ڈینگی کے کیسز میں تیزی سے اضافہ ،ایک روز میں152کیسز رپورٹ

لاہور (آن لائن) صوبے میں ڈینگی کے کیسز میں تیزی سے اضافہ ہونے لگا ۔ محکمہ صحت کے ترجمان کے مطابق گزشتہ چوبیس گھنٹوں میں صوبے میں ڈینگی کے مزید152 کیسز رپورٹ ہوئے۔راولپنڈی سے 133، لاہور سے 4، گوجرانوالہ اور اٹک سے 3،3،چکوال سے2ڈینگی ، میانوالی، خوشاب، سرگودھا، مظفرگڑھ، ڈی جی خان اور لیہ سے ایک ،ایک کیس رپورٹ ہوئے ۔ترجمان کے مطابق ایک ہفتہ میں 746 کیسز جبکہ رواں سال اب تک 2117 ڈینگی کے کیسز رپورٹ ہوئے۔